Almatyda konkı tebýden stýdentter arasyndaǵy Álem chempıonaty aıaqtaldy
ALMATY. QazAqparat - Almatyda keshe konkı tebýden stýdentter arasyndaǵy Álem chempıonaty aıaqtaldy. Bul týraly «Almaty q. Halyqaralyq sporttyq jobalarynyń atqarýshy dırektsııasy» memlekettik qorynyń baspasóz qyzmetinen habarlady.
Chempıonattyń saltanatty jabylý rásimi barysynda Almaty qalasy ákiminiń orynbasary Záýresh Amanjolova sportshylardyń barlyǵyna jarystarǵa qatysyp, jaqsy nátıje kórsetkenderine rızashylyǵyn bildirip, olardy aldaǵy Jańa Jylmen quttyqtap, sportta jańa tabystar tiledi. Budan keıin arnaıy kontserttik baǵdarlama bastaldy. Sonymen qatar, jınalǵan qaýymǵa muz aıdynynda tegin konkı tebýge ruqsat berildi.
Aıta ketelik, osymen ekinshi ret ótkizilip otyrǵan Álem birinshiligine 15 elden barlyǵy 100 jýyq sportshy qatysty.
Sondaı-aq, bul kúni chempıonattyń tórtinshi kúngi jarystarynyń qorytyndylary shyǵaryldy.
Sonymen, 500 metrlik qashyqtyqta qyzdar arasynda birinshi oryndy 77:90 sekýndtyq nátıjemen reseılik ıÝlııa Kozyreva jeńip aldy. Ekinshi oryndy 78:82 sekýndtyq nátıjemen reseılik Arına Arshınova ıelendi. Qazaqstandyq Marııa Sızova qola medalge qol jetkizdi.
Bul jerde bir aıta ketetin jáıt, 500 metrlik qashyqtyq boıynsha sportshylar eki retten jarysady. Osylaısha, jeńimpazdar eki nátıjeniń qosyndysy boıynsha anyqtalady.
Al osy qashyqtyqta erler arasynda ótken jarysta birinshi oryn ıtalıalyq Mırko Djakova Nenzıge buıyrdy. Ol bul qashyqtyqty 70.550 sekýndta basyp ótti. Kúmis medal polshalyq Artýr Nogaldyń enshisinde. Onyń kórsetkishi 70.740 sekýnd. Al úshinshi orynǵa 70.940 sekýndtyq nátıjemen Qytaılyq Taıbeıdiń sportshysy Chıng ıAng Sýng kóterildi.
Qazaqstandyq sportshylar Fedor Mezentsev (71.540 sekýnd) pen Artýr Krıkýnov (72.450 sekýnd) tórtinshi jáne besinshi orynǵa jaıǵasty. Taǵy bir qazaqstandyq Darsıl Essamambo 73.020 sekýndtyq nátıjemen onynshy oryndy mise tutty.
