Almatyda «Kompot» dámhanasynda shyqqan órt sóndirildi
ALMATY. QazAqparat - Almatyda «Kompot» dámhanasynda shyqqan órt sóndirildi, dep habarlaıdy qalalyq TJD-nyń resmı ókili Sandýǵash Baımuhambetova.
«11 shildede saǵat 21:58-de Almaty qalalyq TJD-nyń «101» qyzmetine Medeý aýdanyndaǵy «Kompot» dámhanasy órtenip jatqany týraly oqıǵany kórgen adam habarlasqan. Alǵashqy órt sóndiirýshiler Kosmodemıanskaıa kóshesine 6 mınýttan soń, 22:04-te jetken. Olar kelgen ýaqytta dámhana shatyry jalynǵa oranyp úlgergen. Órt sóndirý kezinde 5 gaz ballony jáne 1 ottegi ballony shyǵaryldy. Órt sóndirýge gıdranttardaǵy qysymnyń bolmaýy qıyndyq týdyrdy. Ǵımaratty uzaq ýaqytqa elektrden aǵytylýy da jaǵdaıdy qıyndatty», - delingen habarlamada.
Bastapqy málimet boıynsha, órttiń shyǵýyna elektr toǵynyń berýde aqaý sebepshi bolǵan.
Órt saǵat 22:57-de aýyzdyqtaldy, 23:50-de tolyq sóndirildi. Jalyn 600 sharshy metr jerdi sharpyǵan. Odan eshkim zardap shekpegen.
