Almatyda kompıýtermen salynǵan grafıkalyq sýretter kórmesi ashyldy

Kórmeni «39 - Qazaqstan kóshbasshylyq baǵdarlamasy» bastamashyl toby Daryndy jáne qabiletti balalarǵa arnalǵan áleýmettik-qaıyrymdylyq joba aıasyndaǵy halyqaralyq kóshbasshylyq ortalyǵynyń qoldaýymen uıymdastyryp otyr.

Kórmede qalalyq sýret mektepteriniń 17 jasqa deıingi oqýshylarynyń júzden asa jumysy qoıylǵan. Olardyń ishindegi 20 úzdik jumysqa syılyqtar berilmek. Marapattaý rásimi erteń bolady.

Sharanyń maqsaty - jas daryndardy qoldaý men jaryqqa shyǵarý, balalardyń shyǵarmashylyq jáne sýret qabilettiligin arttyrýǵa baǵyttalǵan. Sondaı-aq, osy shara arqyly balalardyń kompıýterlik grafıkalyq sheberlikterin damytýy úshin jaqsy jaǵdaı týǵyzý men olardy qoldaýshylardy tartý da kózdelgen.

Uıymdastyrýshylar aıtyp ótkendeı, qalalyq sýret mektepteriniń birine 3 kompıýter ornatylady dep kútilýde. Jalpy, joba jekeleı demeýshiler men qoldaýshylardyń qarjysymen ótkizilip otyr. Alaıda munda eshqandaı da kommertsııalyq maqsattar kózdelmegen.