Almatyda kommýnaldyq menshiktiń 32 nysany jekeshelendirildi
ALMATY. QazAqparat - Almaty qalalyq Qarjy basqarmasynda 2018 jyly jekeshelendiriletin nysandar týraly aıtty, dep habarlaıdy «QazAqparat» HAA tilshisi.
«Jekeshelendirýdiń 2016 - 2020 jyldarǵa arnalǵan keshendi josparyn atqarý aıasynda ákimdik kommýnaldyq menshik nysandaryn iske asyrý kestesin bekitti. Bul kestege sáıkes, 2018 jyly satylýǵa jatqyzylatyn 2 nysan boıynsha tıisti sharalardy ótkizý josparlanǵan. Balalarǵa arnalǵan stomatologııalyq emhana - onyń birinshi tenderi 2018 jyldyń 16 qazanynda jarııalanǵan, jáne «Almaty arnaıytehparkıng servıs» JShS-niń 30 paıyzdyq úlesine qatysty qazirgi kezde satylym aldyndaǵy daıyndyq ótkizilýde», - dep baıandady aımaqtyq kommýnıkatsııalar qyzmetindegi brıfıng barysynda Qarjy basqarmasynyń bastyǵy Aınur Qudaıbergenova.
Aıtylǵan málimetter boıynsha, 2016-2017 jyldary Almatyda kommýnaldyq menshiktiń 32 nysany jekeshelendirilgen. Olardy satýdan bıýdjetke túsken paıda 8,6 mlrd teńgeni qurady. Jekeshelendirý aldyndaǵy baqylaýda taǵy 18 nysan tur.
