Almatyda kommýnaldyq qyzmet aqysyn tóleý jyl sońyna deıin uzartyldy
Mundaı múmkindik koronavırýs indetine baılanysty jarııalanǵan karantınge oraı kommýnaldyq qyzmetterdi ýaqytynda tóleýge múmkindigi joq qala turǵyndaryna beriledi.
Búginnen bastap karantındik jaǵdaıǵa baılanysty qıyn materıaldyq jaǵdaıǵa tap bolǵan tutynýshy telefon arqyly nemese elektrondyq saıttar arqyly qyzmet kórsetýshiniń esep aıyrysý bólimine habarlasyp, jyldyń naýryz jáne sáýir aılary úshin tólemderiniń merzimin uzarta alady.
Tólemder boıynsha keıinge qaldyrý tek jeke tulǵalarǵa sýmen jabdyqtaý jáne káriz júıesi úshin («Almaty Sý» MKK), jylytý jáne ystyq sýmen jabdyqtaý («Almaty jylý jelileri» JShS), elektr energııasy («Almatyenergosbyt» JShS), gazben jabdyqtaý («QazTransGaz Aımaq» AQ Almaty óndiristik fılıaly), telefon baılanysy («Almatytelekom» ATD) qyzmetteri boıynsha beriledi.
Aıta keteıik, karantın kezinde kommýnaldyq qyzmetterge qaryzy bar turǵyndar elektr jaryǵynan, sýdan, jylý men gazdan jáne telefon baılanysynan ajyratylmaıdy.
Sondaı-aq, kommýnaldyq qyzmet aqysyn ýaqtyly tólemegeni úshin jeke tulǵalarǵa aıyppuldar salynbaıdy.
Tólemderdi keıinge qaldyrýdy resimdeý úshin kásiporyndardyń call-ortalyqtarynyń nómirleri:
«AlTS»: +7 (727) 341-07-77, info@alts.kz
- +7 (701) 098-45-05, ortalyc@alts.kz – «Ortalyq» KQKO (Almaly jáne Bostandyq aýdandarynyń turǵyndary úshin);
- +7 (708) 249-87-79, batys@alts.kz – «Batys» KQ (Alataý, Áýezov jáne Naýryzbaı aýdandarynyń turǵyndary úshin);
- +7 (777) 969-84-46, shygis@alts.kz – «Shyǵys» KQ (Jetisý, Medeý jáne Túrkisib aýdandarynyń turǵyndary úshin);
«Almaty Sý»: +7 (727) 3-777-444, almatysu.kz jáne as-portal.kz;
«AlmatyEnergoSbyt»: +7(727) 356-99-99, 399-99-00, esalmaty.kz
«QazTransGaz»: +7 (727) 244-55-33, ktga.kz;
«Almatytelekom»: 160, +7 708 000-01-60, telecom.kz;
Tártip AQ: 7 (727) 344-19-19, +7 (727) 393-08-05, +7 (727) 393-08-03, tartyp.kz;
«Almaty lıft»: +7(727) 390-28-19.
