Almatyda komıssııa sáýirde ústemeaqy alatyn dárigerlerdiń tizimin tekserip jatyr
ALMATY. QazAqparat – Almatyda qalalyq komıssııa sáýir aıynda ústemeaqy alatyn koronavırýsqa qarsy kúreske jumyldyrylǵan medıtsınalyq qyzmetkerlerdiń tizimin tekserip jatyr. Bul týraly qalalyq Qoǵamdyq densaýlyq saqtaý basqarmasynyń basshysy Tileýhan Ábildaev aıtty, dep habarlaıdy QazAqparat tilshisi.
Almaty ákimdiginde koronavırýsqa qarsy kúreske jumyldyrylǵan medıtsına qyzmetkerlerine ústemeaqy tóleý boıynsha arnaıy komıssııa qurylǵan.
«Bıyl naýryzda 3 qaýip tobyna jatatyn 3700-den astam medıtsına qyzmetkerine 1 mlrd 300 mln-nan astam qarajat jiberildi. Komıssııa óz jumysyn josparly túrde jalǵastyryp jatyr. Qaladaǵy koronavırýsqa qarsy kúreske tartylǵan medıtsınalyq mekemelerdiń, ınfektsııalyq statsıonarlardyń, karantındik, provızorlyq statsıonarlardyń basshylyǵynan, qarjylyq qyzmetkerlerinen tizim jınaqtaldy. Túsken materıaldar komıssııa músheleriniń talqylaýynda jatyr. Talqylaý aıaqtalǵan soń 3 qaýip tobyna jatatyn qyzmetkerlerge sáýir aıyndaǵy ústemeaqy tólenetin bolady», - dedi T.Ábildaev.
Buǵan deıin QR DSM basshysy Eljan Birtanov qaı aımaqtyń medıtsına qyzmetkerlerine qansha aqsha tólengenin habarlaǵan bolatyn.
