Almatyda komedııa janryndaǵy «Lotereıa» atty fılminiń túsirilimi aıaqtalýǵa jaqyn qaldy
MATY. 25 shilde. QazAqparat /Ádilet Musahaev/ - Almatyda rejısser Damır Manabaıdyń «Lotereıa» atty jańa fılminiń túsirilimi aıaqtalýǵa jaqyn qaldy. Búgin túsirilim alańynda BAQ ókilderi shyǵarmashylyq toppen kezdesip, kınonyń túsirilim barysymen tanysyp qaıtty.
Atalǵan fılmdi shyǵarýǵa Sh.Aımanov atyndaǵy «Qazaqfılm» AQ-nyń tapsyrysymen «Báıterek» prodıýserlik ortalyǵy jumyldyrylǵan. Fılmdi túsirý jumystary 2011 jyldyń naýryz aıynda bastaý alǵan. Kıno kelesi jyldyń basynda ekranǵa shyǵarylady dep josparlanýda. Shyǵarmashylyq top eki aı boıy Almaty oblysynyń Aldabergen aýylynda túsirý jumystaryn júrgizgen.
Stsenarıı avtory - qazaqstandyq tanymal dramatýrg Dýlat Isabekov. Fılm jazýshynyń "Qashan sen eseıesiń?" povestiniń jelisi boıynsha túsirilýde. Basty keıipker týǵan-týysy joq ınternatta turatyn 13 jasar bala. "Aıaq astynan ol lotoreıadan "Volga" avtokóligin utyp alady. Sodan keıin onyń aınalasyna kóptegen týystary paıda bolyp, sol bıletke talas-tartys bastalady", -deıdi D.Manabaı.
Rejısser sonymen qatar fılm komedııa janrynda túsirilip jatqandyǵyn aıtyp ótti. "Komedııany alǵash ret túsirýdemin. Degenimen bul óte kúrdeli janr ekendigin bilemin, sondyqtan óz múmkindigimdi tekserip kóreıin dep sheshtim. Jumysymnyń baǵasyn kórermender men synshylar bere jatar. men úshin bul óte qyzyqty joba boldy", -dep atap ótti D.Manabaı.
Fılmde basty rólde Jasulan Dinamjan oınaıdy, bul onyń tuńǵysh akterlyq jumysy. Sonymen qatar fılmnen Gıýl Zııatova, Ashat Úrpekov, Erbolat Tólegenov, Dana Turarbek, Sattar Erýbaev, Fılıpp Voloshın, Murat Mýtýrǵanov jáne ánshi Gúlmıra Aqúrpekovany kóre alasyzdar. D.Manabaıdy da ekrannan kóre alasyzdar, ol epızodtyq róldiń birinde oınaıdy.
