Almatyda «Qoljetimdi baspana-2020» baǵdarlamasynyń aıasynda jańa turǵyn-úı kesheniniń tanystyrylymy ótti

  ALMATY. 28 qyrkúıek. QazAqparat - Almatynyń shet aımaǵynda (Іrgeli aýyly) «Samuryq-Qazyna» jyljymaıtyn múlik qory boıynsha «Qoljetimdi baspana-2020» baǵdarlamasynyń aıasynda salynyp jatqan «Asyl Arman» turǵyn-úı kesheniniń tanystyrylymy ótti.

3-shi sanattaǵy 9 qabatty (2 376 páter) «Asyl Arman» turǵyn-úı kesheni jaryqty únemdeý, beınebaqylaý júıesimen jáne jyly edendermen jabdyqtalǵan.

«Elıtqurylys Joba» JShS bas dırektordyń orynbasary Vıktorııa Malıktyń sózine qaraǵanda, keshenniń aýdanynda ınfraqurylymdy damytý - mektepter men aýrýhanalardy, balabaqshalardy salý josparlanýda.  

«Joba «ElıtqurylysJoba» JShS-men memlekettik-jeke áriptestik aıasynda iske asyrylýda. Jyljymaıtyn múlik qory baǵdarlamanyń aıasynda iske asyrylyp jatqan jobanyń tapsyrýshysy emes, áriptesi bolyp tabylady. Sondyqtan da biz qurylysshylar sııaqty jobany ýaqytnda tapsyrýdy kózdep otyrmyz», - dedi «Samuryq-Qazyna» jyljymaıtyn múlik qory» basqarmasynyń tóraǵasy Bolat Palymbetov.