Almatyda qolóner sheberleriniń halyqaralyq rojdestvolyq kórme-jármeńkesi ótedi
ALMATY. 11 jeltoqsan. QazAqparat /Názıra Eleýhan/ - Almatyda jeltoqsannyń 21-25 aralyǵynda Ortalyq kórme zalynda halyqaralyq rojdestvolyq kórme - «Qýyrshaq kollektsııalary» jáne «Qolóner jumystary» avtorlyq buıymdardyń jármeńkesi ótedi.
Kórme-jármeńkege óz elimizdiń qolóner sheberlerimen qatar, Qyrǵyzstan, Ýkraına elderiniń jáne Reseıdiń - Máskeý, Sankt-Peterbor, Perm qalalarynyń sheberleri qatysady. Kelýshiler nazaryna sheberlerdiń qolynan shyqqan, ekologııalyq taza materıaldardan jasalǵan, qaıtalanbas tól týyndylary - áshekeı buıymdar, túrli qýyrshaqtar men úıdi ásemdeýge qajetti zattar qoıylatyn bolady.
Sharaǵa qatysatyn sheberler saz, keramıka, tas, mata, baık, bylǵary, jún, áınek jáne farfor syndy ár túrli materıaldarmen jáne túrli tehnıkalarmen jumys isteıdi.
Qazaqstandaǵy eń úlken rojdestvolyq kórme-jármeńkeniń uıymdastyrýshylary - belgili qolóner sheberleri Elena men Alekseı Borovıkovter.
