Almatyda kollektsııa jınaýshy Bahargúl Tólegenniń kórmesi ótedi
ALMATY. Sáýirdiń 19-y. QazAqparat /Názıra Eleýhan/ - Almatyda sáýir aıynyń 21-i kúni QR Memlekettik Ortalyq murajaıda kollektsııa jınaýshy Bahargúl Tólegenqyzynyń «Júregimde - Otanym» dep atalatyn kórmesi ótedi,
dep habarlaıdy QazAqparat.
Kórmege 1000-nan asa buıymdar qoıylady. Onyń ishinde elimizdiń jáne Ortalyq Azııa halyqtarynyń qoldanbaly óneri men zergerlik buıymdarynyń eski, dástúrli jáne antıkvarly zattarynyń úlgileri: syrǵalar, saqınalar, erler men áıelderdiń beldikteri, turmystyq zattar, qol dıirmender, oshaqtar, besikter, syrmaqtar, keste óneriniń úlgileri, sandyqtar, ydystar, at ábzelderi, sondaı-aq qazaqtyń kıiz úıleri bar.
«Ata-babalarymyzdyń mádenı murasyn qazaqtardyń halyqtyq-qoldanbaly óneri retinde saqtaý meniń Qytaıda júrgen kezimdegi armanym edi. Sol maqsatqa jetýde men 2001 jyly «Ádemi-aı» óner úıin, al bar qundylyqtarymyzdy jurtshylyqqa keńinen nasıhattaý úshin 2007 jyly «Ádemi-aı» dep atalatyn etnografııalyq, mádenı-tanymdyq jýrnal ashtym. Bul kórmeni jıǵan kollektsııamdy kórsetý maqsatynda uıymdastyrǵaly otyrmyn», deıdi Bahargúl Tólegenqyzy.
B. Tólegenqyzy Qytaı Halyq Respýblıkasynyń Sháýeshek qalasynda dúnıege kelgen. 1994 jyly tarıhı Otany - Qazaqstanǵa kóship kelgen bolatyn. Oǵan 2009 jyly «QR-na eńbegi sińgen mádenıet qaıratkeri» ataǵy berildi. Al, 2010 jyly «Qazaqstan áıeli-2010» jobasynyń jeńimpazy atandy.
Kórme mamyrdyń 21-ne deıin jalǵasady.
