Almatyda kolledjder aralas oqytý formatynda jumystaryn bastaıdy

ALMATY. QazAqparat - Almaty kolledjderi jumystaryn 24 qańtardan bastaıdy. Kolledjer aralas oqytý formatynda jumys isteıdi, atap aıtqanda lektsııa sabaqtary onlaın formatta bolsa, praktıkalyq sabaqtar sanıtarlyq talaptardy saqtaı otyryp, ıkemdi keste boıynsha offlaın rejımde uıymdastyrylatyn bolady.

Bul týraly qalalyq bilim basqarmasynyń basshysy Lázzat Jylqybaeva málimdedi, dep habarlaıdy QazAqparat tilshisi.

«Almatyda 73 myńnan astam stýdent bilim alatyn 83 kolledj bar. 24 myńnan astam bala oqıtyn 23 qosymsha bilim berý uıymdarynda jeke jáne 10 adamǵa deıingi toptyq sabaqtar oflaın rejımde júrgiziledi, qalǵan sabaqtar onlaın ótkiziledi. Qazirdiń ózinde kolledj qyzmetkerleri arasynda qajetti túsindirý jumystary júrgizilýde»,-dedi Lázzat Jylqybaeva.

Sondaı-aq onyń aıtýynsha, Almatyda orta bilim berý salasynda 293 mektep jumys isteýde, onyń ishinde ótken jyldyń jeltoqsan aıynda Alataý men Naýryzbaı aýdandarynda 2 jańa memlekettik mektep ashyldy jáne olar oqý úderisin uıymdastyrýǵa daıyndalýda.

Osylaısha, memlekettik mektepterdiń sany 209-ǵa, al jekemenshik mektepterdiń sany 84-ke jetti, jalpy mektepterde 302 myńnan astam oqýshy bilim alýda.