Almatyda kolledj stýdentteri 100% offlaın oqıdy

ALMATY. QazAqparat - Almaty kolledjderinde 73 myńnan astam stýdent bilim alýda. Bul týraly Almaty qalasy bilim basqarmasynyń basshysy Lázzat Jylqybaeva aıtty, dep habarlaıdy QazAqparat tilshisi.

«Almatyda qazir 83 kolledj bar. Onyń 23-i memlekettik, 60-y jekemenshik. Barlyq kolledjderde «Ashyq» jumys isteıdi, barlyq stýdentter 100% oflaın oqıdy», - dedi Lázzat Jylqybaeva.

Onyń aıtýynsha, qaladaǵy kolledjderdiń barlyq qyzmetkerleri 100% vaktsınalandy. Tek 486 qyzmetkerdiń medıtsınalyq kórsetilimi bolǵan soń, vaktsına salynbady.

«Kolledjderdiń ereksheligine qaraı, stýdentter úshin ártúrli ýaqytta eki aptalyq qysqy demalys qarastyrylǵan, olar 10 qańtardan bastalady. Qysqy demalys qarsańynda kolledjderde qysqy kezeńdegi qaýipsizdik sharalary boıynsha túsindirý jumystary júrgizilýde. Júrgizilip jatqan jumys baqylaýǵa alynǵan», - dedi qalalyq bilim basqarmasynyń basshysy.