Almatyda kóliktiń gaz qubyryna soqtyǵysýynan myńdaǵan abonent kógildir otynsyz qaldy
ASTANA. 6 jeltoqsan. QazAqparat - Almatyda jolda júrý erejesin buzǵan «Leksýs» kóliginiń júrgizýshisi 1500-ge jýyq jer úı men kópqabatty 10 turǵyn úıdiń abonentterin gazsyz qaldyrdy.
QR Tótenshe jaǵdaılar mınıstrliginiń baspasóz qyzmetinen habarlaǵandaı, 5 jeltoqsan kúni keshqurym Gaıdar men Kulymbetov kósheleriniń qıylysynda «Leksýs» kóliginiń júrgizýshisi dıametri 100 mm orta qysymdy gaz qubyryna soqtyǵysyp, 1472 jer úı men kópqabatty 10 turǵyn úıdiń abonetterin kógildir otynnan ajyratty.
6 jeltoqsan kúni túnde apatty-qalpyna keltirý jumystary tolyǵymen aıaqtaldy. Abonetterge gaz búgin kúndiz berile bastaıdy. Tótenshe jaǵdaıdy joıýmen «Almaty gaz jelileri» AQ-nyń 10 adamynan quralǵan apatty brıgada aınalysýda.
