Almatyda kólikti turaqqa durys qoıý erejesin buzýshylar kóp
ALMATY. Sáýirdiń 8-i. QazAqparat / Ádilet Musahaev / - Almaty qalasynyń jol polıtsııasy jyl basynan beri kólikti turaqqa durys qoıý erejesin buzǵan eki myńnan asa júrgizýshini anyqtaǵan,
dep habarlaıdy QazAqparat Almaty qalasy ІІB baspasóz qyzmetine silteme jasap.
Temir tulpar ıeleri kóbine jaıaýlar jolyn, balalar jáne sport alańdaryn kólik turaǵyna aınaldyryp alǵan. Osyndaı jaǵdaılar qaladaǵy kólik qozǵalysynyń nasharlaýyna ákelýde.
«Ózderińizge belgili bolǵandaı, jol polıtsııasy ylǵıda «Turaq» jedel aldyn-alý sharalaryn ótkizip keledi. Bul shara kóshe boıyndaǵy jáne úı alańdaryndaǵy kólikterdiń durys qoıylýyn qadaǵalaıdy. Sonymen qatar jol polıtsııasynyń ınspektorlary kólik qoıýǵa tyıym salynǵan jerge kóligin tastap ketetin júrgizýshilerdi anyqtaıdy», deıdi Almaty qalasy ІІB jol polıtsııasy basqarmasynyń jol-sholǵynshy qyzmetiniń bas mamany Muhtar Bısenov.
Aǵymdaǵy jyldyń 17-23-shi aqpan aralyǵynda ótkizilgen «Turaq» sharasynda Almaty ınspektorlary 300-ge jýyq ereje buzýshylardy tirkegen, olardyń 61-i qoǵamdyq kólik júrgizýshileri. Zań shyǵarýshylar osyndaı ereje buzýshylarǵa 9891 teńge kóleminde aıyppul kesýdi usynyp otyr.
