Almatyda Kólikti baqylaý ınspektsııasynyń qyzmetkerleri para aldy degen kúdikke ilindi

ALMATY. QazAqparat - Almaty qalasy boıynsha Kóliktik baqylaý ınspektsııasynyń qyzmetkerleri sybaılas jemqorlyq jasady degen kúdikke ilindi. Bul týraly QazAqparat QR Sybaılas jemqorlyqqa qarsy is-qımyl agentigine silteme jasap habarlaıdy.

«Almaty qalasynyń Sybaılas jemqorlyqqa qarsy qyzmeti Almaty qalasy boıynsha kóliktik baqylaý ınspektsııasynyń mamany men jetekshi mamanyna qatysty birneshe ret para aldy degen kúdikpen sotqa deıingi tergeýdi bastady», delingen habarlamada.

Almaty qalasynyń aýmaǵy boıynsha júk kólikterin kedergisiz júrgeni úshin maman deldal arqyly 200 myń teńge, al sol bólimsheniń jetekshi mamany 270 myń teńge júk tasymaldaýshylardan para aldy dep kúdiktelýde.

Qazir tergeý júrip jatyr.