Almatyda kólikti aıdap áketýge qatysty derektiń tolyq vıdeosy jarııalandy
ALMATY. QazAqparat- Almaty polıtsııasy ózine pyshaq suqqan avtokólik urysynyń vıdeosyn jarııalady. Onyń is- áreketin kólik ıesi túsirip alǵan, dep habarlaıdy QazAqparat tilshisi.
Almaty qalalyq Polıtsııa departamentiniń málimetinshe, kúdikti jaýapkershilikten jaltarýǵa tyrysyp, jol boıynda basqa azamattyń kóligine otyryp, ony keńse pyshaǵymen qorqytqan. Bul ýaqytta polıtsııa qyzmetkerleri de kelip jetip, er adamdy ustady. Ustaý kezinde ol ózin-ózi jaraqattady.
«Qazir er adam medıtsınalyq mekemede. Kúzet qoıyldy. QR QK-niń 200-baby «Urlaý maqsatynsyz avtokólikti nemese ózge de kólik quralyn zańsyz ıemdený» boıynsha qylmystyq is qozǵaldy. Saraptama taǵaıyndaldy. Oqıǵanyń mán-jaıy anyqtalýda»,- dep atap ótti vedomstvodan.
Buǵan deıin Almaty qalalyq Polıtsııa departamenti «Aqsaı» yqshamaýdanynda er adam kólik urlap, jol apatyna túskeni týraly málimdegen bolatyn. Ony ustamaq bolǵan kezde kúdikti ózine pyshaq suǵyp alǵan.
Keıin qalalyq Qoǵamdyq densaýlyq saqtaý basqarmasy er adamnyń jaǵdaıy aýyr ekenin aıtty.
Vıdeodan alynǵan kadr/t.me/POLICE_of_KZ
