Almatyda kólikterine daýys zoraıtqysh ornatqan 705 júrgizýshi ustaldy
ALMATY. QazAqparat - Jyl basynan beri Almaty joldarynda kólikterine gúrildegen daýys shyǵaratyn qurylǵy ornatqan 705 júrgizýshi ustaldy, dep habarlaıdy QazAqparat tilshisi.
Jergilikti polıtsııa qyzmeti málim etkendeı, áýesqoılar kún jylynǵanda belsendi bola bastaıdy. Kólik jarystarynyń aldyn alý úshin patrýldik polıtsııa atvoáýesqoılardyń jınalatyn orny men jarystardy uıymdastyrýdy baqylaýda.
«Jyl basynan beri qatardaǵy bólimsheler bizdiń qalanyń joldarynda 57 myńnan astam jol erejesin buzýshylyqty anyqtady. Atap aıtqanda, kólikti zańsyz qaıta jabdyqtaǵany úshin 705 adam, memlekettik tirkeý nómirlik belgisinsiz kólik quralyn basqarǵany úshin – 820 adam, jalǵan MTNB kólikti basqarǵany úshin – 117, mas kúıinde kólik quralyn basqarǵany úshin – 461, KQ terezesin qarańǵylaǵany úshin – 3 myń 567 adam ákimshilik jaýapkershilikke tartyldy. Sondaı-aq, kólik quralyn aıdaý quqyǵynan aıyrylǵan 75 júrgizýshi ustaldy», – dedi Almaty qalalyq PD jergilikti polıtsııa qyzmeti basqarmasynyń bastyǵy Manap Sattarov.
Buǵan deıin polıtsııada tike aǵyny bar kólikterdiń, báseńdetkishtermen ornatylǵan rezonatorlardyń jumysyna baqylaýdy kúsheıtý týraly habarlaǵan. Bul kólikterdiń qozǵalysy, kóbinese agressıvti, ádette, únemi azamattardyń tynyshtyǵyn buzatyn gúrildeý, shý jáne basqa da dybystarmen júredi.
«Tájirıbe kórsetkendeı, avtokólik júrgizýshileriniń bul bóligi ásirese túnde belsendi bolady. Turǵyn úıleri qalanyń úlken kóshelerine jaqyn jerde ornalasqan massıv turǵyndary eń kóp zardap shegedi. Osyǵan baılanysty mamandandyrylǵan batalon men jol-patrýldik polıtsııa polkiniń jeke quramy kóliktiń osy túrin anyqtaýǵa jáne ustaýǵa, zańǵa sáıkes sharalar qabyldaýǵa baǵyttalǵan»,- deıdi spıker.
