Almatyda kólikter soqtyǵysyp, 4 bala zardap shekti
ALMATY. QazAqparat - Almatyda birneshe kóliktiń soqtyǵysýynan 4 bala jaraqat aldy, dep habarlaıdy QazAqparat tilshisi.
Jol apaty Sátbaev - Turǵyt Ozal kósheleriniń qıylysynda boldy. Batysqa bet alǵan «Toyota Corolla» kóligi baǵdarshamnyń qyzyl túsine toqtap turǵan. Osy ýaqytta ZIL júk kóligi Sátbaev kóshesimen shyǵysqa qaraı kele jatqan.
Málim etilgendeı, júk kóligi jol ústinde burylmaq bolyp, qarsy bettegi «Suzuki»-men soǵylǵan. «Suzuki» óz kezeginde «Toyota»-ny soqqan.
«4 bala Balalar shuǵyl medıtsınalyq járdem ortalyǵyna jetkizildi. Ekeýine «jabyq bassúıek-mı jaraqaty, mıdyń shaıqalýy» dıagnozdary qoıyldy. Qalǵan ekeýinde jumsaq tinderi soqqy alǵan. Ata-analary aýrýhanaǵa jatqyzýdan bas tartty»,- dedi Qoǵamdyq densaýlyq saqtaý basqarmasynyń baspasóz qyzmetinen.
