Almatyda kólikten aıaǵyn salbyratyp júrgen jolaýshy úshin júrgizýshi jazalandy
ALMATY. QazAqparat - Almatyda kólikten aıaǵyn salbyratyp júrgen jolaýshy úshin kólik júrgizýshisi jazalandy, dep habarlaıdy QazAqparat tilshisi.
Bul beınerolık Instagram jelisindegi «almaty_dtp» pablıginde jarııalanǵan bolatyn, dep habarlaıdy QazAqparat tilshisi.
Beınekadrda kóshede ketip bara jatqan kólikten adamnyń eki aıaǵy salbyrap turǵan.
Polıtsııa jol erejesin buzǵan Toıota júrgizýshisin ustady.
«Bul qyzyq bolǵanmen, eger tótenshe jaǵdaı bola qalsa kúlýge shama bolmaı qalady. Jol erejesi adamdardyń qaýipsizdigi úshin jasalǵan. Jas jigitter erigip bara jatqanda arttaǵy júrgizýshi kameraǵa túsirip alǵan. Júrgizýshi jolaýshylardy tasymaldaǵan kezde qaýipsizdik sharalaryn saqtaýy tıis. 19 jastaǵy júrgizýshige QR ÁqbK 593-babynyń 1-bólimimen 5 AEK, 12042 teńge aıyppul salyndy», - dedi jergilikti polıtsııa qyzmetiniń basshysy Jasulan Baıkenov.
