Almatyda kólikten 6 mıllıon teńgeden astam qarjy qoldy boldy
ALMATY. 27 shilde. QazAqparat - Almatylyq JShS biriniń qarjy dırektory basshysynyń tapsyrmasymen 40 myń AQSh dollaryn satyp alyp, ballon jamaý stansasyna bet alǵan.
Er adam kóliginiń kiltin salmaı, azdaǵan ýaqytqa tysqary shyǵyp ketken. Al atalmysh qarjy kólemi temir tulpar oryntaǵynyń astynda bolǵan. Bul týraly ońtústik astananyń ІІD baspasóz qyzmeti habarlady.
Jaqyn mańdaǵy janar-jaǵarmaı quıý stansasynyń beıne baqylaý kamerasyndaǵy jazbaǵa er adamnyń kólikten aqsha salynǵan paketti alǵany túsip qalǵan.
Qazirgi tańda quqyq qorǵaý organdarynyń qyzmetkerleri baýkespeniń tulǵasyn anyqtap, qylmysty áshkereleý baǵytynda bilek sybanyp, iske kiristi.
