Almatyda kólikpen jarysqan myńnan asa júrgizýshi jazalandy
ALMATY. QazAqparat - Almaty polıtsııasy báıge uıymdastyryp kólikpen jarysqan júrgizýshilerdi jazalaýdy qolǵa aldy, dep habarlaıdy QazAqparat tilshisi.
Qalalyq PD Ákimshilik polıtsııa basqarmasynyń basshysy Jandos Muratalıevtiń aıtýynsha, keıbir júrgizýshiler kóligine dybys zoraıtqysh ornatyp jarysýǵa áýes.
Bul áreket kópshiliktiń narazylyǵyn týdyrady.
«9 aıda QR ÁqbK 590-babynyń 7-bólimimen ruqsatsyz osyndaı quraldarmen jabdyqtalǵan 1299 júrgizýshi ákimshilik jazaǵa tartyldy. 1 shildeden bastap 15 mototsıklshi jol erejesin buzǵany úshin jaýapershilikke tartylyp, 74 mototsıkl aıyp turaǵyna qoıyldy», - dedi Jandos Muratalıev.
