Almatyda kólikpen baılanysty qandaı jobalar júzege asyrylady
ALMATY. QazAqparat - Almaty qalasynyń ákimi Baqytjan Saǵyntaev megapolıstegi kólik jobalary týraly aıtty, dep habarlaıdy QazAqparat tilshisi.
«BRT boıynsha jobalaý jumystary jalǵasýda. Bastalǵan jol jobaǵa sáıkes Jeltoqsan kóshesine túsip, sodan keıin Tóle bı kóshesimen Shyǵys aınalma jolyna shyǵyp, Halyk Arena arqyly joǵarydaǵy depoǵa túsip, artqa burylady. Qazir jeliler kóbeıdi. Sondyqtan jobalaý jumystary qoǵamdyq kólikterge arnalǵan arnaıy jelilerde júrgizilýde «, - dedi Almaty ákimi Baqytjan Saǵyntaev.
Sonymen qatar, ol qaladaǵy LRT-ǵa qatysty qıyn máseleni atady.
«Bul jerde qarjylandyrý máselesi týyndaıdy, oǵan kóp qarjy qajet, júzdegen mıllıard teńge, qazirgi devalvatsııany eskere otyryp, baǵany naqtylaý qajet. Biz jabolaýshylarymen birgip qala bıýdjeti muny qanshalyqty kótere alatynyn talqyladyq. Maǵan metro týraly suraq qoıyldy, múmkin metro qajet emes shyǵar deıdi. Metro respýblıkalyq bıýdjetten qarjylandyrylady. Men úkimettiń aldyna qalalyq bıýdjetke mundaı jobany iske asyrý qıyn ekenin aıtyp, úkimet arqyly qarjylandyrýlaryn suradym. Alaıda Úkimet eki qymbat jobany birdeı qarjylandyra almaıtyndaryn jetkizdi. Qazir metronyń qurylysyn aıaqtaýymyz kerek. Sondyqtan LRT-ǵa qatysty túrli nusqalar qarastyrylady»,– dedi ákim.
