Almatyda kólik jýý ortalyǵynyń ıesi jaýapqa tartyldy
ALMATY. QazAqparat – Almatyda karantın kezinde jumys istegen kólik jýý ortalyǵynyń ıesi jazalandy, dep habarlaıdy QazAqparat tilshisi.
Almaty qalalyq PD baspasóz qyzmetiniń málimetinshe, Tóle bı kóshesinde ornalasqan kólik jýý ortalyǵy karantın rejımine qaramastan jumys istegen.
«Menshik ıesi men jumysshylar karantın talabyn ne úshin buzǵandaryn túsindirip bere almady. Árıne, báriniń qosymsha aqsha tapqysy kelgeni túsinikti, biraq elde tótenshe jaǵdaı jarııalanǵan ýaqytta halyqtyń densaýlyǵyna qaýip tóndirý – qylmys. Kólik jýý ortalyǵynyń ıesi men sonda jumys isteıtinder QR Ákimshilik quqyq buzýshylyq týraly kodeksiniń 476-baby 6-bóligi (karantındi buzý jáne basqa da mindetti sanıtarlyq-epıdemııaǵa qarsy sharalardy uıymdastyrý) boıynsha ákimshilik jaýapkershilikke tartyldy. Jınalǵan materıaldar mamandandyrylǵan aýdanaralyq ákimshilik sotyna joldandy. Biz osyndaı nysandardy anyqtap, karantın rejımin buzýshylardy qatań jazalaıtyn bolamyz», – dedi Almaty qalalyq krımınaldyq polıtsııa basqarmasynyń basshysy Janbolat Zıadın.
