Almatyda kólik júrgizý quqyǵynan aıyrylǵan júrgizýshi esirtki tutynǵan kúıinde ustaldy
ALMATY. QazAqparat - Almatyda mas kúıde kólik júrgizgeni úshin eki ret jaýapqa tartylǵan júrgizýshi taǵy ustaldy, dep habarlaıdy QazAqparat tilshisi.
Osydan birneshe kún buryn qala polıtseıleri ekologııalyq postta Almaty oblysynyń 36 jastaǵy turǵynyn toqtatqan.
«Toyota kóligi júrgizýshisiniń áreketi patrýldik polıtsııa qyzmetkerlerine kúdikti bolyp kórindi. Medıtsınalyq saraptama onyń esirtkige mas bolǵanyn anyqtady. Júrgizýshi kólik quralyn júrgizýden shettetildi. Atalǵan derek boıynsha QR QK-niń 346-baby 1-bóligine sáıkes qylmystyq is tirkeldi. Ol ýaqytsha ustaý ızolıatoryna qamaldy», - dedi Almaty qalalyq PD anyqtaý basqarmasynyń bastyǵy Oljas Sháripov.
Belgili bolǵandaı, júrgizýshi buǵan deıin eki ret kólikti mas kúıinde basqarǵan kezde ustalǵan. Birinshi jaıt 2020 jyldyń naýryz aıynda Almaty oblysy Raıymbek aýdanynda bolǵan. Sol kezde ol sot sheshimimen 7 jyl merzimge kólik quralyn basqarý quqyǵynan aıyrylǵan.
Alaıda, bir jyldan keıin ol taǵy da mas kúıde kólik júrgizedi. Sol kezde sot ony QR QK-niń 346-baby jáne QR QK-niń 380-baby 1-bóliginde kózdelgen qylmystyq quqyq buzýshylyqtardy jasaǵany úshin eki jarym jylǵa bas bostandyǵyn shekteý jazasyna kesken.
