Almatyda kólik jóndeıtin orynnan órt shyǵyp, 20 mashına janyp ketti
ALMATY. QazAqparat - Almatyda kólik jóndeıtin nysan otqa orandy. 20-ǵa jýyq kólik janyp ketti, dep habarlaıdy QazAqparat.
Almaty qalasy tótenshe jaǵdaılar departamentiniń málimetine sensek, 2 aqpan kúni keshki 21:52 shamasynda Bostandyq aýdany Sátpaev kóshesi, 139 mekenjaıynda ornalasqan kólik jóndeıtin orynda órt shyqqany týraly habarlama kelip túsken.
Órt sóndirýshiler oqıǵa ornyna jetkende tilsiz jaýdyń jan-jaǵyndaǵy ózge de nysandarǵa jaıylý qaýpi bar ekenin anyqtady.
Sońǵy málimetke sensek, 20 avtokólik janyp ketken. 4 avtomobılge ystyq jalynnyń áserinen zaqym kelgen.
Taǵy 15 mashına evakýatsııalanǵan.
Jalyn sharpyǵan aýmaq - 600 sharshy metr. Al ǵımarattyń jalpy aýmaǵy - 1300 sharshy metr.
Túngi 23:09 kezinde órt aýyzdyqtalyp, 23:47 kezinde tolyq sóndirildi.
Ot kólik jóndeıtin nysannyń janynda ornalasqan janarmaı quıý beketine jaıylmady.
Zardap shekken eshkim joq.
Órttiń shyǵý sebebi anyqtalyp jatyr.
