Almatyda kólik jol ústinde órtenip ketti
ALMATY. QazAqparat - Almatyda ál-Farabı kóshesimen ketip bara jatqan kólik órtenip ketti, dep habarlaıdy QazAqparat tilshisi.
Toyota kóligi ál-Farabı kóshesinde órtke orandy. Júrgizýshiniń aıtýynsha, órt kóliktiń qozǵaltqysh ornalasqan aldyńǵy bóliginen bastalǵan. Jalyndaǵan ot kóliktiń salonyna kóshken. Tilsiz jaýdy órt sóndirý qyzmeti kelip aýyzdyqtaǵan.
Almaty qalasy boıynsha TJD baspasóz qyzmetiniń jetekshisi Sandýǵash Baımýhanbetova órt týraly aqparat 15:09-da túskenin rastady.
«15 aqpan kúni saǵat 15:09-da ál-Farabı kóshesiniń Dýlatı kóshesimen qıylysar tusynda kólik órtengeni týraly aqparat kelip tústi. Órt sóndirýshiler 15:17-de oqıǵa ornyna bardy. «Toyota Harier» kóligi órtengeni anyqtaldy. Órt 15:20-da aýyzdyqtalyp, 15:24-te tolyqtaı sóndirildi», - dedi ol.
Oqıǵadan eshkim jaralanǵan joq. 
