Almatyda kólik urysyn ustaýǵa kýágerler kómektesti
ALMATY. QazAqparat – Almatynyń tártip saqshylary kólik urysyn kýágerlerdiń kómegimen ustady, dep habarlaıdy QazAqparat.
Saǵat 01:45-ter shamasynda «Qazaqfılm» shaǵyn aýdanynda turatyn Ch. atty turǵyn aýlasynda óziniń dostarymen birge serýendep júrgen. Bir kezde ol qandaı da bir zattyń synǵan daýsyn estip, burylǵanda «Toyota Camry 70» markili kóliginiń janynda turǵan er adamdy kóredi.
«Bir tótenshe jaǵdaıdyń bolǵanyn túsingen turǵyn janyndaǵy dostarymen kóliktiń janyna barǵanda onyń aınasynyń joq ekenin kórgen. Sol kezde ol aınalasyna bildirmesten jyldam ketip bara jatqan adamdy kórip, ony toqtatpaq bolyp, aıqaı salady. Kúdikti ózine qarata aıtylǵan daýystan soń birden qasha jónelgen. Alańda júrgen jigitter ony artynan qýyp, jete almaı qalady. Alaıda olar polıtsııaǵa habar berip, urynyń bet-álpetin sýrettep berdi. Birneshe saǵattan soń jedel ýákilder uryny ustap, ol basqarmaǵa jetkizildi»,-dedi Bostandyq aýdandyq polıtsııa basqarmasynyń bastyǵy Dáýren Ótebaev.
Ustalǵan 22 jastaǵy Z-ǵa qatysty QR QK 188 baby boıynsha sotqa deıingi is tirkeldi. Ony ustaǵanda zattaı aıǵaq, ıaǵnı kóliktiń aınasy tabyldy. Ustalǵan adam óziniń kinásin tolyq moıyndady.
Avtory: Elaman Turysbekov
