Almatyda kólik urylary ustaldy

ALMATY. QazAqparat – Almatyda úsh kólikti aıdap áketken urylar ustaldy. Qalalyq polıtsııa departamenti kúdiktilerdiń moınynda resmı túrde dáleldengen úsh derek baryn anyqtady, dep habarlaıdy QazAqparat tilshisi.

«Kúdiktiler ustaldy. Negizgi aıyptalýshynyń jasy 33-te. Ý. esimdi kúdikti avtomobılderdiń esigin ashýmen aınalysady. Urlanǵan kólikterdi jasyryp, basqa jaqqa aıdap barýǵa kómektesedi. Onyń sybaılasy - K. esimdi kúdikti, jasy 29-da. Bul «dýettiń» Almaly jáne Medeý aýdandarynan úsh kólikti urlaǵany anyqtaldy. Joǵalǵan avtolar tabyldy jáne óz ıelerine qaıtaryldy», – dedi Almaty qalalyq polıtsııa departamenti krımınaldyq polıtsııa basqarmasynyń bastyǵy Qýatbek Naýatov.

Tergeý barysynda aıyptalýshylar ýaqytsha ustaý ızolıatoryna qamaldy. Polıtsııa ustalǵandardyń osyǵan uqsas qylmystarǵa qatysy bar-joǵyn tekserip jatyr.

Aıta keteıik, jýyrda Oral qalasynda páterden 5 mln. teńge jymqyrǵan urylar ustalǵan edi.