Almatyda kólik urlaýshy qylmys ústinde quryqtaldy
ALMATY. Naýryzdyń 18-i. QazAqparat /Ádilet Musahaev/ - Almaty jol polıtsııasynyń ınspektorlary kólik urlaýshyny qylmys ústinde ustady,
dep habarlaıdy QazAqparat Almaty ІІB JPB baspasóz qyzmetine silteme jasap.
JPB qyzmetkerleri sanaýly mınýttar ishinde «Nıssan» avtokóligin urlaýshyny quryqtady. Jol polıtsııasynyń sholǵynshy ekıpajy qylmys oryn alǵan aýmaqty tekserý barysynda júrgizýshisi jasyrynýǵa tyrysqan kúdikti kólikti baıqaıdy. Birneshe mınýttardan keıin kólik urlaýshy ustaldy. Tárkileý barysynda odan býma kilt pen as úıge arnalǵan úlken pyshaq tabylǵan.
Tergeý kezinde ustalýshy bul qylmysty jan-jaqty oılastyryp, aldyn ala daıyndalǵanyn moıyndady. Sondaı-aq onyń Almaty oblysynyń turǵyny ekendigi, Almatyda turaqty jumysy joq, buryn zańdy jaýapqa tartylmaǵany anyqtalǵan. Qazirgi ýaqytta onyń ústinen QR QK 185 baby - bógdeniń kóligin zańsyz emdený boıynsha qylmystyq is qozǵalyp otyr. Sonymen qatar basqa da qylmystarǵa qatysy bar, joqtyǵy anyqtalýda.
