Almatyda kólik urlaýmen aınalysyp júrgen ákki ury qolǵa tústi
ALMATY. QazAqparat - Almatyda kólik tonaýmen jáne ony urlaýmen aınalysyp kelgen er adam ustaldy, dep habarlaıdy QaAqparat tilshisi.
23 jastaǵy jigit Shyǵys Qazaqstan oblysynyń týmasy bolyp shyqty.
Kúdikti Almatyǵa kelip-ketip júrgen kezinde ońaı olja tabýmen aınalysqan.
Polıtsııanyń habarlaýynsha, er adam turǵylyqty mekenjaıy bolmaǵandyqtan, hostelderge eki táýlikten asa turaqtamaǵan.
«Kúdikti kólik terezesin syndyryp, vıdeoregıstrator, magnıtola, aqsha, túrli gadjetterdi qoldy etken. Er adam munymen qanaǵattanbaı kólikterdi aıdap ketip, keıin ony bólshektep satyp otyrǵan. Sońǵy eki kólikti ol satyp úlgermedi, jolda qaldyryp, qashyp ketken», - dedi Almaly aýdandyq ІІB basshysy, polıtsııa polkovnıgi Qumarbek Kenshinbaev.
Tek qana Almaly aýdanynyń ózinde kúdiktiniń 7 avtokólikti tonaý, 2 kólikti aıdap áketý áreketine qatysy bar ekeni anyqtaldy.
Qazir QR QK 188-babynyń 2-bólimi men 200 baby boıynsha sotqa deıingi tergeý isi tirkeldi. Kúdikti qamaýǵa alyndy.
