Almatyda kólik urlaýmen aınalysqandar ustaldy
ALMATY. QazAqparat – Almaty polıtseıleri kólik urlaýmen aınalysqandardy ustady, toptyń quramynda ózbekstandyq azamat bar, dep habarlaıdy QazAqparat tilshisi.
Múlkin qoldy etýdi ádetke aınaldyrǵandardyń bireýi Z. esimdi azamat buryn sottalǵan, ekinshisi A. atty kúdikti Ózbekstan azamaty bolyp shyqty. Olar «VAZ» jáne «Lada» markaly 2 kólikti aıdap ketken. Sonymen qatar, kúdiktilerdiń 20 avtokólik batareıasyn urlaǵandary anyqtaldy.
« Kúdiktiler esh jerde jumys istemeıdi. Olar nápaqalaryn avtkólikterdiń batareıasyn urlap, satýmen tapqan. Keıin qylmystyq jolmen kólikti aıdap áketpekshi bolǵan. Alaıda olardyń bul aram pıǵyldary júzege aspady. Jedel-izdestirý sharalary barysynda kúdiktiler anyqtalyp, ustaldy. Urlanǵan avtokólikter ıelerine qaıtaryldy, akkýmýlıatorlar tárkilenip qylmystyq is materıaldaryna tirkeldi. Qazir QRQK 188-baby boıynsha sotqa deıingi tergeý bastaldy», -dedi Almaty qalalyq Krımınaldyq polıtsııa basqarmasynyń bastyǵy Janbolat Zıadın.
Sonymen qatar, Áýezov aýdanynyń tártip saqshylary kúdikti retinde 1994 jyly týǵan J. atty azamatty ustady, ol Aqsaı-5 yqshamaýdanynda turatyn tanystarynyń páterine kirip, kóliktiń kiltin urlap ony aıdap ketken. Belgili bolǵandaı, bul kúdiktiniń jasaǵan alǵashqy qylmysy emes.
«Kóliktiń buzylyp qalýyna baılanysty ury alysqa kete almaıtynyn sezip «Shevrole Krýz» avtokóligin qyzmet kórsetý ortalyǵyna qaldyryp ishinen ámııandy alyp ketken. Alaıda, ol ámııanda qujattan basqa eshteńe bolmaǵan. Ustalǵan kúdikti endi osy áreketteri úshin zań aldynda jaýap beredi»,- dep tolyqtyrdy Janbolat Zıadın.
