Almatyda kólik urlaýdy kásip qylǵan 20 jastaǵy jigit qolǵa tústi
ALMATY. QazAqparat - Almatyda «Volkswagen Passat» markali kólikterdi urlaýdy kásip qylǵan jigit ustaldy, dep habarlaıdy QazAqparat tilshisi.
20 jastaǵy jigittiń Almaty terrıtorııasynda eki kólikti qoldy etkeni anyqtaldy.
Biraq, polıtsııa kóliginen aıyrylǵandardyń sany budan kóp bolýy múmkin deıdi.
«Er adam tún ishinde kólikterdiń esigin buzyp kirip, alyp ketip otyrǵan. Búginde 800 myń teńge kóleminde shyǵyn keltirgen. Tergeýshilerdiń aıtýynsha, er adam aıdap ketken kólikterin Panfılov aýdanyndaǵy Jarkent qalasyna asyryp otyrǵan. Sosyn ar jaqta kólikti bólshektep satyp otyrǵan», - dedi qalalyq Polıtsııa departamentiniń qylmystyq polıtsııa basqarmasynan.
Qazir atalǵan derekke baılanysty QR QK 200-baby boıynsha sotqa deıingi tergeý isi tirkeldi.
