Almatyda kólik urlap, jol apatyna ushyraǵan jigit ustaldy
Onyń vıdeosy áleýmettik jelide paıda boldy.
Almaty qalalyq polıtsııa departamentiniń málimetinshe, oqıǵa tańǵy saǵat beste bolǵan.
«Patrýldeý kezinde polıtseıler kúdik týdyrǵan kólikti toqtatty. Alaıda, júrgizýshi ony elemeı qasha jóneldi. Polıtseıler izine tústi. Ol joǵary jyldamdyqpen kele jatyp rýldi basqara almaı, Shyǵys aınalma avtojolynda kele jatqan kóliktermen soqtyǵysty. Alǵan soqqydan kóliktiń qaýipsizdik jastyǵy iske qosyldy, júrgizýshi esinen tanyp qaldy, al onyń aıaǵy gaz pedalynda qaldy. Polıtseıler kóliktiń esigin ashyp, kólik urlaǵan jas jigittiń ómirin saqtap qalýǵa tyrysty. Birneshe árketten keıin ǵana áınekti syndyryp, otalyp turǵan kólikti óshirdi»,- dep habarlady polıtsııadan.
Alǵashqy medıtsınalyq kómek kórsetilgennen keıin kúdikti Bostandyq aýdandyq polıtsııa basqarmasyna jetkizildi.
Kúdiktige qatysty QR Qylmystyq kodeksiniń 200-baby 1-bóligi boıynsha qylmystyq is qozǵaldy.