Almatyda kólik urlady degen kúdikpen ustalǵan adam polıtseılerdiń qyzmettik kóliginde ózine qol saldy
ALMATY. QazAqparat – Almatyda kólik urlap qolǵa túsken kúdikti er adam polıtseılerdiń qyzmettik mashınasynda ózine qol saldy, dep habarlaıdy QazAqparat tilshisi.
Almaty qalalyq polıtsııa departamentiniń baspasóz qyzmeti aqparatty rastady.
Oqıǵa Almatynyń Jetisý aýdanynda boldy. Er adam tergeý tobynyń kóliginde óz-ózine qol salǵan.
«Qaıtys bolǵan 43 jastaǵy I. esimdi azamat óziniń tanysynyń «Toıota» avtokóligin urlady degen kúdikpen ustalǵan. Saraptama qorytyndysyna sáıkes, marqum mas bolǵan. Mán-jaılar anyqtalýda», - dep habarlady vedomstvodan.
