Almatyda kólik tonaýshy ustaldy
ALMATY. Qańtardyń 21-i. QazAqparat /Erbol Azanbek/ - Almatylyq polıtsııa qyzmetkerleri avtokólik tonaýshyny ustady,
dep habarlaıdy QazAqparat ІІD-niń baspasóz qyzmetine silteme jasap.
Keshe tańerteń polıtsııanyń jedel basqarý ortalyǵyna «Volvo» avtokóliginiń tonalǵany týraly habar kelip túsken. Kólik ıesiniń aıtýynsha, kólik ishinen «Nokıa» markaly uıaly telefon men qujattar, aqsha salynǵan sómke urlanǵan. Jalpy shyǵyn - 118 myń teńge. «Boran» jedel qyzmetiniń aýmaqty sholýy kezinde kúdikti aıǵaqty zattarmen qolǵa túsken.
Kúdikti birneshe kún buryn Jambyl oblysynan jumys izdeý maqsatynda kelgen. Alaıda jumys isteýdiń ornyna 23 jasar azamat qylmys álemine jol tartqan. Qazirgi kezde onyń ústinen QR QK-niń 175 tarmaǵy boıynsha qylmystyq is qozǵalǵan. Qazirgi kezde ýaqytsha oqshaýlaý bólmesine toǵytylǵan kúdiktiniń basqa qylmystarǵa qatysy bar-joqtyǵy tekserilýde.
