Almatyda kólik terezesinen denesin shyǵaryp júrgender jazalandy
ALMATY. QazAqparat - Almaty polıtsııasy áleýmettik jelide jarııalanǵan vıdeodan keıin «Range Rover» kóliginiń júrgizýshisin jaýapqa tartty, dep habarlaıdy QazAqparat tilshisi.
Áleýmettik jelide kólik terezesi men lıýginen denesin shyǵaryp alǵan eki jigittiń vıdeosy taraǵan bolatyn.
Beınejazba tártip saqshylarynyń nazaryna ilinip, nátıjesinde jol erejesin buzǵan 1996 jyly týǵan K. esimdi kólik júrgizýshisi anyqtaldy.
«Range Rover» kóliginiń júrgizýshisi K. esimdi azamat QR Ákimshilik quqyqbuzýshylyq týraly Kodeksiniń 593 babynyń 1-bóligi boıynsha ákimshilik jaýapqa tartyldy»,- dep habarlady polıtsııadan.
