Almatyda kólik terezesin teýip syndyrǵan er adam vıdeoǵa túsip qaldy
ALMATY. QazAqparat - Almatyda kólik terezesin syndyrǵan er adam ustaldy, dep habarlaıdy QazAqparat tilshisi.
Almaty qalalyq polıtsııa departamentiniń málimetinshe, 26 jastaǵy jigittiń zańsyz áreketi turǵyn úılerdiń kireberisine ornatylǵan beınebaqylaý kameralaryna jazylyp qalǵan.
«Bul derek áleýmettik jeliler arqyly belgili boldy. Ol kezde polıtsııaǵa resmı aryz túsken joq. Soǵan qaramastan, bótenniń múlkin urlaý deregi QR QK-niń 188-baby boıynsha sotqa deıingi tergeýdiń biryńǵaı tizilimine tirkeldi. Jedel is-sharalar barysynda kólikteri dál osyndaı jolmen tonalǵan taǵy alty jábirlenýshi anyqtaldy. Kúdikti – 1996 jyly týǵan B. esimdi azamat ustaldy», - deıdi Jetisý aýdandyq polıtsııa basqarmasynyń bastyǵy Darhan Musanov.
Kúdikti kólikterdiń terezesin syndyryp, ishinen beınetirkegishterdi urlaǵan.
Búgingi kúni ol eki urlyq jasaǵanyn moıyndady.
