Almatyda kólik satýmen aınalysqan alaıaq ustaldy
ALMATY. QazAqparat – Almatynyń birneshe turǵyny alaıaqtyń qurbany boldy. Er adam adamdarǵa arzan baǵaǵa kólik satpaqshy bolyp, aqshalaryn ıemdenip ketken, dep habarlaıdy QazAqparat tilshisi.
«1987 jyly týǵan T., kúdiktiniń ústinen alaıaqtyq faktisi boıynsha resmı aryz tústi. Tergeý onyń qylmystyq is-áreketiniń syzbasyn anyqtady. Kúdikti adamdardy avtokólikterdi naryqtaǵy baǵadan tómen alýǵa bolatyndyǵyna sendirgen. Ol arzan kólikterdiń kásiporyndardyń biriniń balansynan shyǵarylǵanyn aıtqan. Alaıaq «Toyota Camry» 40 jáne 45 markalary, «Lada Prıora», «Lada Granta» kólikterin sóz etken. Er adam bul temir tulparlardy 600-den 900 myń teńgege deıin baǵalady. Alaıaqtyń arbaýyna túsip qalǵandar aqshalaryn qolyna ustatqan. Keıin kólik te, aqshada joq boldy. Kúdikti adamdardy aldaý arqyly mıllıonnan astam teńge materıaldyq shyǵyn keltirgen»,- deıdi Medeý aýdandyq polıtsııasy.
Qazir kúdikti ustalyp, qamaýǵa alyndy. Sotqa deıingi tergeý QR QK 190-babyna sáıkes júrgizilýde.
