Almatyda kólik salyǵyn tólemegen 1295 djıp ıesiniń isi sotqa jiberildi
ALMATY. QazAqparat - Almatyda qozǵaltqysh kólemi 4 myń tekshe/sm-den asatyn djıp ıeleriniń quny 497 mln teńgeni quraıtyn isi sotqa jiberildi.
Bul týraly qalalyq salyq departamentiniń baspasóz qyzmeti habarlady.
Qazir osyndaı 717 kólik ıesiniń isi qaralyp, olarǵa 278 mln teńge kóleminde aıyppul salyndy.
«Atalǵan sot sheshimi boıynsha sot oryndaýshylary tólenbegen salyqty boryshkerlerdiń jalaqysynan, bolmasa múligin tárkileý arqyly óndiredi. Sondaı-aq osy salyqty tólemegen jeke tulǵalardyń shetelge shyǵýyna tyıym salynady», - dedi salyq departamenti baspasóz qyzmetiniń ókilderi.
