Almatyda Kólik polıtsııasy urlyqpen aınalysqan keden qyzmetkerin ustady

Bul týraly búgin Kóliktegi ІІD baspasóz qyzmeti habarlady.

Ústimizdegi jyly 19 qańtarda jedel-izdeý sharalary barysynda polıtsııanyń Almaty halyqaralyq áýejaıyndaǵy Jelilik bóliminiń krımınaldy polıtsııa qyzmetkerleri Almaty q. boıynsha Memlekettik kirister departamentine qarasty «Jetisý» kedendik beketiniń qyzmetkerin ustady. Tintý barysynda odan ıtalıandyq eki jup erler aıaq kıimin jáne shet eldik burǵylaý qondyrǵysynyń qosalqy bólshekteri tárkilendi. Ol urlaǵan zattaryn Almaty q. áýejaıyndaǵy ýaqytsha saqtaý qoımasynan urlaǵan.

«Ustalǵan azamattyń kinási beınekamera jazbalary arqyly rastaldy. Keltirilgen zalaldyń somasy anyqtalýda. Qazirgi tańda QR Qylmystyq Kodeksiniń 188-shi baby boıynsha (bógdeniń múlkin urlaý) sotqa deıingi tergeý amaldary júrgizilip jatyr», - delingen habarlamada.