Almatyda kólik nómiri men adamnyń bet-álpetin anyq kórsetetin kameralar ornatylady

ALMATY. QazAqparat – Almaty ákimdigi menshik ıeleriniń kelisimimen adam kóp jınalatyn oryndarǵa beınekameralar ornatý jáne beınebaqylaý monıtorıngin júrgizý erejelerin ázirledi, dep habarlaıdy QazAqparat tilshisi.

Ashyq NQA saıtyndaǵy qujatta kórsetilgendeı, joba vıdeosaraptama jumysyn jetildirýdi kózdeıdi. Endi kólikterdiń memlekettik tirkeý nómirlik belgileri men adamdardyń bet-álpetin anyq kórý múmkin bolmaq.

Biryńǵaı vıdeomonıtorıng júıesine adam kóp shoǵyrlanatyn ártúrli obektilerde ornatylatyn, sonymen birge menshik ıeleriniń kelisimimen kommertsııalyq uıymdardyń qoldanysyndaǵy beınebaqylaý júıelerin biriktirý qarastyrylady.

«Almaty qalasynyń biryńǵaı vıdeomonıtorıng júıesi – qala boıynsha beınekeskinderdi jınaý, óńdeý men saqtaýdy júzege asyratyn baǵdarlamalyq jáne tehnıkalyq quraldardyń jıyntyǵy. Ulttyq qaýipsizdik pen qoǵamdyq tártipti qamtamasyz etýdegi vıdeomonıtorıng ulttyq júıesiniń óńirlik bóligi. Ol qala máselelerin sheshýde vıdeosaraptama qalyptastyrý fýnktsııalaryn atqarady», - delingen qujatta.

Qujat ashyq NQA veb-saıtynda 19 tamyzǵa deıin talqylanady.