Almatyda kólik quraldaryn kedendik resimdeýden ótkizetin arnaıy oryn ashyldy

ALMATY. 20 maýsym. QazAqparat - Almaty qalasynyń "Halyqqa qyzmet kórsetý ortalyǵy" respýblıkalyq memlekettik kásipornynda avtokólik quraldaryn kedendik resimdeýden ótkizetin arnaıy oryn ashyldy.

Endi alyp shahardyń turǵyndary ózderiniń jeke ıelikterine alyp kelgen avtokólikterin Halyqqa qyzmet kórsetý ortalyǵynda (HQKO) jeńildetilgen tártippen kedendik jolaýshy deklaratsııasyn, óziniń qujattaryn tapsyrady. Sonymen qatar avtokólikterin resimdeýde taýar deklaratsııasyn qoldanýǵa tolyq quqyly. Mundaı jaǵdaı avtokólikke kedendik tazartý ýaqytyn qysqarta otyryp, jumys úderisiniń ashyqtyǵyn arttyrady. Sonyń nátıjesinde azamattar HQKO kesheninen shyqpaı-aq avtokólik quraldaryn tirkeý boıynsha memlekettik qyzmet kórsetý múmkindigin qoldana alady. Qajetti qujattar túgel bolǵan jaǵdaıda kedendik resimdeý nebári 30 mınýtta júrgiziledi.