Almatyda kólik qozǵalysy ýaqytsha shekteledi
ALMATY. QazAqparat - Jol jóndeý jumystaryna baılanysty qalada kólik qozǵalysy ýaqytsha shekteledi. Bul týraly Almaty qalasy Qalalyq mobıldilik basqarmasy málimdedi, dep habarlaıdy QazAqparat tilshisi.
«Jol jóndeý jumystarynyń júrgizilýine baılanysty 30 qyrkúıek - 1 qazan aralyǵy, saǵat keshki 18.00-den tańǵy 07.00-deıin, ıaǵnı, túngi ýaqytta Tsentralnaıa kóshesiniń Úlken Almaty arnasy boıy (ýl. Vdol BAKa) kóshesinen Tsentralnaıa kóshesi, 82 (Qazmunaıgaz janarmaı beketi) deıingi aralyqta kólik qozǵalysy ýaqytsha shekteledi»,- delingen habarlamada.
Osyǵan baılanysty Almaty Qalalyq mobıldilik basqarmasy turǵyndardan jol júrý baǵyttaryn aldyn ala josparlap alýlaryn suraıdy.
