Almatyda kólik qozǵalysy bes esege azaıdy
ALMATY. QazAqparat – Almatyda kólik qozǵalysy shamamen bes esege azaıdy, dep habarlaıdy QazAqparat tilshisi.
Almaty qalalyq PD baspasóz qyzmetiniń málimetinshe, búgin saǵat 08.00-den 09.00-ge deıin beınebaqylaý júıesi tirkegen kólik sany 4 836 boldy. 11 naýryzda osy ýaqyt aralyǵynda kólik sany 19 546 tirelgen.
«Jol qozǵalysynyń qaýipsizdigin qamtamasyz etýdiń avtomattandyrylǵan aqparattyq júıesi» apparattyq-baǵdarlamalyq kesheni kórsetkishin taldaý, qalanyń negizgi kóshelerinde kólik qozǵalysy edáýir tómendegenin kórsetedi. Qalada 35 baqylaý-ótkizý beketiniń uıymdastyrylǵanyn bilesizder. Bir táýlikte 18 798 kóliktiń qala ishinde júrý quqyǵynyń bar-joǵy tekserildi. Qaladaǵy aýdandyq polıtsııa basqarmasyna sebepsiz júrgeni úshin 128 júrgizýshi jetkizildi, 30 avtokólik aıyppul turaǵyna qoıyldy», – dedi Almaty qalalyq PD ákimshilik polıtsııa basqarmasynyń basshysy Jandos Muratálıev.
Onyń aıtýynsha, karantın rejımi kezinde megopolıste kólik qozǵalysy bes esege azaıǵan.
