Almatyda kólik konteınerge soǵylyp, bir adam mert boldy
ALMATY. QazAqparat - Almatyda «Lexus RX-300» kóligi konteınerge soǵylyp, 17 jastaǵy jolaýshy mert boldy, dep habarlaıdy QazAqparat tilshisi.
Qalalyq Polıtsııa departamentiniń dereginshe, jol-kólik oqıǵasy búgin túnde shamamen saǵat 00:10-da Súmbile kóshesinde bolǵan.
«Lexus RX-300» kóliginiń júrgizýshisi Súmbile kóshesiniń boıymen ońtústik baǵytta kele jatyp, «Ójet» yqsham aýdanynda rýlge ıe bola almaı qalǵan. Ol jeke turǵyn úıdiń qorshaýyna soǵylyp, sodan keıin ınertsııamen konteınerge kirip ketken. Apat saldarynan 17 jastaǵy jolaýshy oqıǵa ornynda kóz jumdy. Kólik júrgizýshisi men onyń eki jolaýshysy túrli dene jaraqattarymen qalalyq aýrýhanalardyń birine jetkizildi», - dedi Almaty qalasynyń PD Anyqtaý basqarmasynyń bastyǵy Oljas Sháripov.
Atalǵan derek Qazaqstan Respýblıkasy Qylmystyq kodeksiniń 345-baby 3-bóligi boıynsha sotqa deıingi tergep-tekserýdiń biryńǵaı tizilimine tirkeldi.
Saraptamalar taǵaıyndaldy.
