Almatyda kólik qaqqan jaıaý adam oqıǵa ornynda mert boldy
ALMATY. QazAqparat - Almatyda kólik qaqqan jaıaý júrginshi oqıǵa ornynda kóz jumdy, dep habarlaıdy QazAqparat.
Qalalyq polıtsııa departamentiniń málimetinshe, Almatynyń Buqtyrma kóshesinde jol-kólik oqıǵasy bolǵan.
«Toıota Korolla» kóligi Buqtyrma kóshesimen Talǵar tasjolyna ketetin baǵytta kele jatqan.
Jol qarańǵy bolǵan soń júrgizýshi kósheni kesip ótip bara jatqan adamdy baıqamaı qalǵan. Avtomashına bar jyldamdyǵymen kelip, jaıaý kisini soqqan.
Saldarynan jaıaý júrginshi jedel járdem kelgenshe sol jerde qaıtys boldy.
«Ókinishke qaraı, marqumnyń kim ekenin, jeke tulǵasyn birden anyqtaý múmkin bolmady. Bul ispen anyqtaýshylar aınalysyp jatyr» dep málim etti polıtsııanyń baspasóz qyzmeti.
