Almatyda kólik qaqqan er adam aýrýhanada kóz jumdy
ALMATY. QazAqparat - Almatyda «Sýbarý» markili kóligi er adamdy qaǵyp ketti, dep habarlaıdy QazAqparat tilshisi oqıǵa ornynan.
Jol apaty Rysqulov kóshesiniń boıynda bolǵan.
Alǵan jaraqatynan 55 jastaǵy er adam aýrýhanaǵa jetken soń kóz jumdy.
«Sýbarý» júrgizýshisiniń aıtýynsha, er adam Rysqulov kóshesin tyıym salynǵan jerinen kesip ótpek bolǵan.
Kenetten shyqqan adamdy baıqamaı qalǵan júrgizýshi tejegishti basyp úlgermeı qalǵan. Sonyń saldarynan kólik adamdy qaǵyp baryp, qarama-qarsy baǵytqa shyǵyp ketken.
