Almatyda kólik qaqqan azamat mert boldy
ALMATY. QazAqparat - Almatyda joldan ótip bara jatqan adamdy kólik qaǵyp ketti, dep habarlaıdy QazAqparat tilshisi.
Jol apaty Qulja tasjolynda túnde bolǵan. Jol apatynan 56 jastaǵy er adam sol jerde kóz jumǵan.
«Bul derek boıynsha QR QK 345-babynyń 3-bólimi boıynsha sotqa deıingi tergeý reestriniń tizilimine tirkeldi. Tıisti saraptamalar taǵaıyndaldy. 1964 jyly týǵan er adam oqıǵa ornynda kóz jumdy. Jol apaty Qulja tasjoly men Buqtarma kóshesi qıylysynan ońtústikke qaraı shyǵatyn jolda bolǵan», -dedi Polıtsııa departamentiniń baspasóz qyzmeti.
