Almatyda kólik qaqqan 77 jastaǵy keıýana oqıǵa ornynda mert boldy
ALMATY. QazAqparat - Altyn Orda bazary mańynda jaıaý júrginshini kólik qaǵyp ketti. Ol oqıǵa ornynda kóz jumdy, dep habarlaıdy QazAqparat tilshisi.
Áleýmettik jelide qaıǵyly oqıǵanyń vıdeosy tarady.
Almaty qalalyq polıtsııa departamenti bul jaǵdaıdyń 7 qazan kúni, saǵat 18.50 kezinde bolǵanyn habarlady.
«Volkswagen Passat» markaly avtokóliktiń Sh. esimdi júrgizýshisi Tashkent jolynyń boıymen shyǵys baǵytta kele jatyp, Nurly kóshesimen qıylysta A. esimdi kisini qaǵyp ketken.
Ol júris bóligin ońtústik baǵytta, belgilenbegen jermen ótip bara jatqan.
«Jol kólik oqıǵasy saldarynan alǵan jaraqattan 1944 jyly týǵan áıel oqıǵa ornynda kóz jumdy. Qylmystyq kodekstiń 345-baby 3-bóligi boıynsha sotqa deıingi tergeý bastaldy»,- dedi Almaty qalasy PD anyqtaý basqarmasynyń bastyǵy, polıtsııa podpolkovnıgi Oljas Sháripov.
