Almatyda kólik qaqqan 56 jastaǵy áıel oqıǵa ornynda kóz jumdy
ALMATY. QazAqparat – Kósheden ótip bara jatqan áıeldi qaǵyp óltirgen júrgizýshi qamaýǵa alyndy, dep habarlaıdy QazAqparat qalalyq polıtsııa departamentiniń baspasóz qyzmetine silteme jasap.
Atalǵan jol apaty búgin tańerteń Almatynyń Alataý aýdanynda bolǵan. 1963 jyly týǵan N. atty áıeldi «Mersedes» kóligi qaǵyp ketti. Ol «Shańyraq» shaǵynaýdanynda Janqoja batyr kóshesin ruqsat etilmegen tustan qıyp ótip bara jatqan. Saldarynan jaıaý júrginshi oqıǵa ornynda kóz jumdy.
«Atalmysh derek negizinde QR QK 345-baby boıynsha is qozǵaldy. 24 jastaǵy avtokólik júrgizýshisi ýaqytsha ustaý ızolıatoryna qamaldy. Qylmystyq is boıynsha tıisti sot-medıtsınalyq saraptama taǵaıyndaldy» delingen habarlamada.
